वासिंटन – अमेरिकी राष्ट्रपति बाराक ओबामाले आगामी राष्ट्रपतिका लागि हिलारी क्लिन्टन योग्य उम्मेदवार भएको बताउनुभएको छ ।
डेमोक्याट्रिक पार्टीबाट उम्मेदवारका अर्का प्रतिस्पर्धी बर्नी सैन्डर्ससँगको भेटवार्तापछि राष्ट्रपति ओबामाले हिलेरी क्लिन्टन सबैभन्दा योग्य उम्मेदवार भएको बताउनुभएको हो । क्लिन्टनको ट्वीटरमा एक भिडियो लिंक शेयर गद उँहाले राष्ट्रपतिको भूमिकाका लागि क्लिन्टनलाई सहयोग गर्ने प्रतिबद्धता समेत व्यक्त गर्नुभयो । यसअघि ओबामाले बर्नी सैन्डर्ससँग छलफल गर्दै रिपब्लिकन पार्टीका सम्भावित उम्मेदवार डोनाल्ड ट्रम्पलाई पराजित गर्दै क्लिन्टनसँगै मिलेर काम गर्न सुझाव दिनुभएको थियो ।
तर सैन्डर्सले क्लिन्टनलाई समर्थन गर्नेबारे केही बताउनुभएको छैन् । सैन्डर्सले अमेरिकाको राष्ट्रपतीय निर्वाचनमा ट्रम्प उम्मेदवार भए दुर्भाग्यपूर्ण हुने भने बताउनुभयो । यसैबिच रिपब्लिकन पार्टीका सम्भावित उम्मेदवार डोनाल्ड ट्रम्पले भने राष्ट्रपति ओबामाले कुटिल हिलारी क्लिन्टनलाई समर्थन गरेको आरोप लगाउनुभएको छ ।
अमेरिकामा आगामी नोभेम्बरमा नयाँ राष्ट्रपतिका लागि निर्वाचन हुँदैछ । –एजेन्सी
