काठमाडौं – आगामी चैत्र २७ गतेदेखि अलनेपाल रिलिज हुने भनिएको प्रेमकथामा आधारित नेपाली कथानक चलचित्र ‘फूलै फूलको मौसम तिमीलाई’को रिलिज डेट पछि सारिएको छ ।
अन्य ३ फिल्म ‘हवल्दार सुन्तली’, ‘सेतो बाघ’ र ‘नाई नभन्नु ल ३’सँग भिडन्त गराउन तयार भएका निर्देशक दिनेश डिसीले अहिले एकाएक चलचित्रलाई पछि सरेका छन् । चलचित्र अब वैशाख ११ गते रिलिज हुने डिसीले बताए ।
चलचित्र क्षेत्रमा चलखेल भएपछि आफूले पाउनुपर्ने हल नपाउने कारणले आफुले चलचित्र ‘फूलै फूलको मौसम तिमीलाई’लाई पछि सारेको खुलाए । तर सो नयाँ रिलिज डेटमा पनि चलचित्र एक्लो भने प्रर्दशन हुने छैन । सोही दिन चलचित्र ‘रेशम फिलिली’सँग भिड्ने छ ।
सो रिलिज डेटबाट पछी हट्दा ‘नाइँ नभन्नु ल ३’लाई ब्यबसायिक रुपमा फाइदा हुने निश्चित छ । यो फिल्मलाई वितरण सुनिल मानन्धरले समेत राजधानीका लागि मात्रै ३५ लाखमा किनेका छन् । यदि समचार मसला नभै वास्तविक रुपमै सो रकममा राजधानीका लागि मान्धरले किनेका हुन् भने ‘नाइँ नभन्नु ल ३’ फाइदामा जाने सुनिश्चित छ । यसो त छविराज ओझा निर्मित ‘हवल्दार सुन्तली’ले पनि राम्रो ब्यापार गर्ने दाबि गर्दैछन् ।
चलचित्र ‘फूलै फूलको मौसम तिमीलाई’ नायिका नीता ढुंगाना र नायक आमेष भण्डारीको प्रेमकथामा आधारित छ ।
