सप्तरी– एकीकृत नेकपा माओवादीका मधेस ब्युरो इञ्चार्ज हरिबोल गजुरेलले मुलुकमा जारी गतिरोध अन्त्यमा ढिलाइ भए जनताले प्रतिकार गर्ने बताउनुभएको छ ।
क्रान्तिकारी पत्रकार सङ्घ नेपाल सप्तरीले आज राजविराजमा आयोजना गरेको पत्रकार सम्मेलनमा नेता गजुरेलले जारी गतिरोध अन्त्यमा ढिलाइ हुँदै गए जनताको धैर्य टुट्दै जाने बताउनुभयो ।
जनतालाई निरास हुन नदिन राजनीतिक दलहरु मिल्नुको विकल्प छैन भन्दै उहाँले समस्या समाधानका लागि दलहरु इमान्दार बन्नुपर्ने बताउनुभयो ।
