सिन्धुपाल्चोक- तिब्बती सीमा नाका फूल्पिङकट्टी गाविसको स्यालाङकट्टीमा अवैद्य रक्तचन्दन तस्कर गर्ने गिरोहमाथि प्रहरीले कारबाही गर्दा आइतबार बिहान हगाम- २ विवेक श्रेष्ठको मृत्यु भएको छ।
प्रहरी कारबाहीमा फुल्टिङ- १ का विर्खबहादुर श्रेष्ठ र प्रताप तामाङ पक्राउ परेका छन् । मृत्यु हुने श्रेष्ठ र पक्राउ परेका दुवै जना रक्तचन्दन बोक्ने कामदार हुन् । गिरोह भने उम्किएको छ । प्रहरीले ७१ गोलिया रक्तचन्दन बरामद गरेको छ ।
प्रहरीले चलाएको गोलीले भरिया विवेक भुँईमा ढलेपछि चन्दन फालेर भरिया र तस्करको भागाभाग भएको त्यहाँस्थित प्रहरी स्रोतले बतायो।
प्रहरीका अनुसार ५० जनाको समूह रक्तचन्दन बोकेर खासा जाँदै थियो ।
