काठमाडौं– एकीकृत नेकपा माओवादीका प्रवक्ता अग्नीप्रसाद सापकोटाले संविधानका विवादित अन्तर्बस्तुमा सहमति नभएसम्म प्रधानमन्त्रीले पदत्याग नगर्ने स्पष्ट पारेका छन् ।राजधानीमा सोमबार आयोजित साक्षात्कारमा उनले राजनीतिक निकासको उपाय नपहिल्याई सरकार परिवर्तनको मुद्दालाई प्राथमिकतमा राख्नु नै सहमतिको बाधाक भएको भन्दै संविधानका विवादित विषयमा सहमति जुटे संविधानसभा पुनःस्थापना गर्न सकिने स्पष्ट पारे ।
सहमति विना संविधानसभाको पुनःस्थापना र निर्वाचनले मुलुकमा धु्रविकरण बढाउने भन्दै सापकोटाले त्यस्तो अवस्थामा मुलुकको लगाम दलहरुको हातबाट खुस्कीने चेतावनी दिए ।
उनले भदौ महिनाभरीमा सहमति ननिकाले मुलुक संकटमा पर्ने तर्फ सचेत गराउँदै पछिल्लो समयमा १० वा १४ प्रदेशमा जाने माओवादी प्रस्तावमा एमाले र काग्रेसको कुनै टिप्पणी नआएको भन्दै त्यसमा सहमति बन्ने विश्वास ब्यक्त गरे ।
