काठमाडौँ– त्रिमूर्ति निकेतनले नेपाली भाषासहित्यको श्रीवृद्धिका लागि प्रत्यक्ष तथा परोक्ष रुपमा क्रियाशील भई योगदान गर्ने काठमाडौँ उपत्यकाका बाहिरका ४१ स्रष्टालाई ‘त्रिभूर्ति पुरस्कार’ प्रदान गर्ने निर्णय गरेको छ ।
ताम्रपत्रका साथै जनही रु दस हजार राशिका ती पुरस्कार त्रिमूर्ति दिवसका अवसरमा आगामी असोज ११ गते काठमाडौँमा प्रदान गरिने छ ।
‘त्रिमूर्ति पुरस्कार’बाट पुरस्कृत हुनेमा अब्दुल लतिफ शौक (बाँके), आरसी रिजाल (मकवानपुर), शिवकुमार प्रधान, प्रेम छोटा, शन्तु श्रेष्ठ र काजी रोशन (बागलुङ), कृष्णकुमारी (खोटाङ), पं. टीकाप्रसाद वस्ती र प्रा डा गोपाल भण्डारी (सुनसरी), जङ्गबहादुर शाही र गोपीरमण उपाध्याय (रुपन्देही), चितवन शिखरवास र गोविन्दराज विनोदी (चितवन), चन्द्रकुमार लिम्बू सेर्मा (पाँचथर), विश्वराज पाण्डे, दधिराज सुवेदी र जय पाण्डे (मोरङ), डिल्लीरमण शर्मा अज्र्याल (धादिङ), सरोज वली, शिवप्रसाद दाहाल, रोहिणीविलास लुइँटेल, नकुल काजी र तेजराज खतिवडा (झापा), तेजनारायण सेर्मा (ताप्लेजुङ) र निर्मोही व्यास (बारा) हुनुहुन्छ ।
त्यसैगरी मोदनाथ शास्त्री र बालकृष्ण भट्टराई (रुपन्देही), मङ्गलकुमार नेपाल (रौतहट), रमेश गोर्खाली (पर्सा), राजेश्वर नेपाली (धनुषा), शान्तिनारायण श्रेष्ठ (पर्वत), श्रीधर पौडेल (दाङ), सदानन्द अभागी (नवलपरासी) र सोमराज अभय (सङ्खुवासभा) ले पनि सो पुरस्कार पाउनुहुने भएको छ । त्रिमूर्ति निकेतनका अध्यक्ष इन्दिरा प्रसाईंको अध्यक्षतामा बसेको निकेतनको बैठकले सो निर्णय गरेको सदस्यसचिव नरेन्द्रराज प्रसाईंले बताउनुभयो ।
