टोकियो – ब्यस्तताका कारण समय दिन नसकेको भन्दै बहालवाला संयोजक जोन छन्त्यालले पदबाट राजीनामा दिएपछि एनआरएन जापान कान्तोको रिक्त हुन आएको संयोजक पदमा उपाध्यक्ष श्रवण सत्याललाई पदोन्नति गरिएको छ ।
आइतवार बसेको कान्तोको आकस्मिक बैठकले छन्त्यालको ठाउँमा सत्याललाई सर्बसम्मत पदार्पण गरेको हो ।
यसैगरी रिक्त हुन आएको उपाध्यक्ष पदमा समितिकै सदस्य चन्द्रराज लामालाई पदोन्नति गरिएको छ भने गोपाल केसीलाई कार्यसमितिको सदस्यमा थप गरिएको छ ।
उपाध्यक्ष प्रेम कँडेलको अध्यक्षतामा बसेको उक्त वैठकद्वारा छन्त्याललाई हालसम्मको योगदानको कदर गर्दै धन्यवाद प्रस्तावसमेत पारित गरिएको छ । ***