काठमाडौं- भ्रातृ संस्था विघटनपछि समस्या समाधानमा सभापति सुशील कोइराला गम्भीर नभएको भन्दै नेता शेरबहादुर देउवा पक्षधरले शुक्रबार पनि केन्द्रीय समिति बैठक बहिष्कार गर्ने निर्णय गरेका छन् ।बुधबारको बैठक पनि बहिष्कार गरेको देउवा समूहले शुक्रबार पनि केन्द्रीय समिति बैठक बहिष्कार गर्ने निर्णय गरेको केन्द्रीय सदस्य महालक्ष्मी उपाध्याय ‘डिना’ले जानकारी दिनुभयो ।
देउवा समूहले बैठक बहिष्कार गरेपछि बुधबारको बैठकमा कोरम पुर्याउन कोइरालालाई कठीन भएको थियो । अन्तिममा बाहिर रहेका आफू निकट केन्द्रीय सदस्यलाई बोलाएर ७ घण्टा ढिलो बैठक सुरु भएको थियो ।
यसैबीच एमाले केन्द्रीय कमिटी बैठक पनि बस्दैछ । बैठकमा अध्यक्ष झलनाथ खनालको राजनीतिक प्रतिवेदनमाथि छलफल हुने केन्द्रीय सदस्य ठाकुर गैरेले जानकारी दिनुभयो ।
