काठमाण्डौं- माओवादी नेता देव गुरुङ्गले बिपा सम्झौताको विरोधलाई आन्दोलनका रुपमा अघि बढाउने घोषणा गर्नुभएको छ । नेकपा एकीकृत नेकपा माओवादी क्रान्तिकारी कम्युनिष्ट पार्टी नेपाल सम्मिलित क्रान्तिकारी जनआन्दोलन नेपालले बिपा सम्झौताको विरोधमा काठमाण्डूमा गरेको कार्यक्रममा गुरुङ्गले बिप्पाको विरोधमा वामपन्थी देशभक्त र गणतन्त्रवादी एक हुने बताउनुभयो ।उहाँले क्रान्तिकारी जनआन्दोलन नेपालप्रति समर्थन जनाउँदै भन्नुभयो “यसबारेमा पार्टीमा छलफल गरिने छ ।” राष्ट्रघात गर्नेलाई कसैले नछाड्ने भन्दै गुरुङले पार्टी भित्र र बाहिरका कसैले पनि राष्ट्रघाती सम्झौता गर्न नपाईने भन्दै गुरुङले भन्नुभयो “बिपा सम्झौता ४ बुँदे सम्झौताकै निरन्तरता हो ।”
क्रान्तिकारी जनआन्दोलन नेपालका संयोजक एवं नेकपा एकीकृतका नेता रामिसंह श्रीसले यो सम्झौताबाट वर्तमान सरकारको राष्ट्रघाती र दलाल चरित्र पुष्टि भएको भन्दै सबै वामपन्थी देशभक्त र प्रगतिशील शक्ति सम्झौताको विरुद्धमा एक हुनुपर्नेमा जोड दिनुभयो ।
