शुक्रबार, बैशाख १४, २०८१
Friday, April 26, 2024

बेलायत  – बेलायतको म्यानचेष्टर शहरमा २२ जनाको ज्यान जाने गरी भएको आक्रमणमा संलग्न भनिएका युवक आफ्ना समर्थक भएको इस्लामिक स्टेट (आइएस)ले दाबी गरेको छ ।

म्यान्चेष्टरमै जन्मिएका सलमान अबेदीले विस्फोट गराएका प्रहरीले जनाएको थियो । प्रहरीले २२ वर्षका अबेदीका बाबुआमा लिबियाबाट आएको हुन सक्ने जनाएको छ ।

प्रहरीले हमलाकारीले आफ्नै शरीरमा विष्फोट गराएको हुनसक्ने पनि जनाएको छ । विष्फोटक पदार्थ घरमै बनाइएको बम हुनसक्ने प्रहरीले आशंका गरेको छ ।

प्रहरीले घटनामा संलग्न भएको आरोपमा अर्का एक जनालाई पक्रेको छ । मंगलबार भएको आक्रमणमा २२ जनाको ज्यान गएको थियो । ५० भन्दा धेरै मानिस घाइते भएका थिए । बेलायतमा अहिले प्रहरीसँगै आन्तरिक सुरक्षा व्यवस्थाका लागि सैनिकहरुको पनि प्रयोग गरिएको छ ।

तपाईको प्रतिक्रिया