पूर्व संविधानसभाका ठूला दलका ठूला नेताहरु देश बिगारेको दोष बोक्दाबोक्दा हैरान भए झैं देखिन्छन् । नयाँ चुनावको कुरा गर्ने तर कस्को नेतृत्वको सरकारले चुनाव गराउने भन्ने असहमतिमा ६ महिना खेर फालिसकेका प्रमुख दलका युवा नेताहरु चाहिँ अहिले के हेरेर बसेका छन्? अहिलेको राजनीतिक उकुसमुकसबाट देशलाई निकाल्न युवा नेताहरुले हस्तक्षेपकारी भुमिका खेल्न सक्छन् त? राष्ट्रपति तीन सातादेखि सहमतिमा नयाँ सरकार गठन गर्न दलहरुलाई म्याद थप गर्दै बसिरहेकाछन् । तर न सहमतिको लक्षण देखिएको छ, न राजनीतिक रुपमा बन्धक देखिएको देशले तुरुन्तै निकास पाउने अवस्था छ । देशलाई अनिर्णयको बन्धनबाट निकाल्न युवाहरुसँग भएको उपायबारे बहस गर्न आज हामीसँग हुनुहुन्छ एमाओवादी नेता- देबी खड्का, काङग्रेस नेता- गगन थापा र एमाले नेता- योगेश भट्टराई ।
तपाईको प्रतिक्रिया
सम्बन्धित समाचार
