प्रधानमन्त्री ओलीको बेलायती राजदूतसँग शिष्टाचार भेटवार्ता

समाचार सुन्नुहोस : 

काठमाडौँ – प्रधानमन्त्री केपी शर्मा ओलीले नेपालका लागि संयुक्त अधिराज्य बेलायतका राजदूत रोब फेनसँग मंगलबार शिष्टाचार भेटवार्ता गर्नुभएको छ। प्रधानमन्त्री तथा मन्त्रिपरिषद्को कार्यालय, सिंहदरबारमा भएको यो भेटमा दुई देशबीचको सम्बन्ध र साझा हितका विविध पक्षबारे छलफल भएको जनाइएको छ।

भेटका क्रममा बेलायती राजपरिवारका सदस्य डुक अफ इडिनबर्गको आउँदै गरेको नेपाल भ्रमणको विषयमा पनि कुराकानी भएको थियो। यो अवसरमा परराष्ट्र मन्त्रालयका उच्च अधिकारीहरू पनि उपस्थित थिए।