टोकियो - जापानमा साइकल चालकमाथि थप निगरानी गरिने भएको छ । शुक्रबारदेखि लागू भएको एक संशोधित जापानी यातायात कानुनले साइकल चलाउँदा मोबाइल फोन प्रयोग गर्ने वा मादक पदार्थ सेवन गरेको पाइएमा चालकलाई जेल सजाय र जरिवानाको प्रावधान ल्याएको हो । संशोधित कानुनअनुसार मोबाइल फोन प्रयोग (कल गर्न, म्यासेज पठाउन वा हेर्न मात्र भए पनि) गरेका व्यक्तिहरूले ६ महिना सम्मको जेल सजाय वा १ लाख येन (लगभग ६५० अमेरिकी डलर) सम्मको जरिवाना तिर्नु पर्नेछ ।

जान्डर मन्डी अघिपछि जस्तै कार्यालयमा काम गरिरहेका थिए जतिबेला उनले समाचार सुने- नजिकैको नगर फोल्समस्थित एउटा स्कूलमा अर्बपति इलोन मस्क बोल्न आउँदैछन् । ‘संसारकै सबभन्दा धनी मानिस सितिमिति यहाँका स्कूलमा बोल्न कहिले आउँछन् र ?’ मन्डीले मनमनै सोचे । पेन्सिल्भेनिआ राज्यस्थित जम्मा ९ हजार जनसङ्ख्या भएको उक्त फोल्सम नगर एक किसिमले शान्त ठाउँ हो ।