काठमाडौं– अधिकांश मधेसी दल बाबुराम भट्टराई नेतृत्वको सरकारमा सहभागी भएकाबेला मधेसको राजनीतिले नयाँ मोड लिँदैछ ।उपेन्द्रले फोरमको नेतृत्व छाड्ने
मधेस आन्दोलनपछि एकाएक चौथो शक्ति भएको मधेसी जनअधिकार फोरमबाट अध्यक्ष उपेन्द्र यादवले नेतृत्व छाड्ने भएका छन् । उनले आफू सेरेमोनियल अध्यक्षमा रहने बताएका छन् ।
भरत विमलको फोरम प्रवेश
उपेन्द्र यादवले फोरम प्रवेश गर्ने भएपछि जनआन्दोलनमा मधेसी दलको नेतृत्व लिएका भरत विमल यादव र संघीय सदभावना पार्टीमा गएका देवेन्द्र यादव फोरम प्रवेश गर्दैछन् । बताइएकाअनुसार भरतविमल फोरमको कार्यवाहक अध्यक्ष हुनेछन् ।
बद्रि मण्डल राजनीतिमा
उपप्रधानमन्त्री भइसकेपछि पनि कृषि मन्त्री भएका सदभावना पार्टीका पूर्वअध्यक्ष बद्रि मण्डल राजनीतिमा प्रवेश गर्दैछन् । उनले केही दिनभित्रै आफू कुनै एक मधेसी राजनीतिक दलमा प्रवेश गर्ने बताएका छन् ।
लोकतान्त्रिक फोरममा विवाद चर्कियो
विवादास्पद अभिव्यक्तिका कारण रक्षा मन्त्रीबाट बाहिरिन बाध्य फोरम लोकतान्त्रिकका बरिष्ठ नेता शरतसिंह भण्डारीका कारण पार्टी भित्र विवाद चर्किएको छ ।
भण्डारीलाई पुनः रक्षा मन्त्रीमा फर्काउन केही सभासदले अध्यक्ष विजय गच्छदारलाई बारम्बार ताकेता गर्दा पनि पार्टी एकढिक्का पार्ने समस्या थप जटिल भएको छ । पार्टीमा भण्डारीको गुट मजबुत देखिएपनि गच्छदार समुहले रक्षा मन्त्रीको सिफारि स गर्न सकेको छैन् ।
