बेइजिङ– चीनका ८० प्रतिशत जनताले आफ्नो मुलुक अझै पनि विश्वशक्ति भएको नठानेको हालै गरिएको एक सर्वेक्षण देखिएको भनी ग्लोबल टाइम्स दैनिकले सोमबार समाचार प्रकाशन गरेको छ ।यस सर्वेक्षणमा भाग लिने आधाभन्दा बढी वासिङ्टनसँगको बेइजिङको सम्बन्धप्रति सकारात्मक रहेको र टोकियोसँगको सम्बन्धप्रति भने नकारात्मक रहेको देखिएको छ ।
सर्वेक्षणमा भाग लिने ८२.३ प्रतिशतले चीनले विश्वशक्तिको स्तर प्राप्त गर्न बाँकी नै रहेको बताएका छन् ।
सत्ताधारी कम्युनिस्ट पार्टीसँग सम्बन्ध रहेको ग्लोबल टाइम्सले उक्त सर्वेक्षण ग्लोबल पोल सेन्टरले गरेको उल्लेख गरेको छ ।
सर्वेक्षण टेलिफोन तथा इन्टरनेटमा गरिएको र यसमा बेइजिङ तथा साङघाइसहित सात सहरका १५ वर्षमाथिका एक हजार ४०४ व्यक्तिले भाग लिएको बताइएको छ ।
सार्वजनिक अभिमत सर्वेक्षणलाई कम्युनिस्ट पार्टीले पश्चिमी शैलीको प्रजातन्त्र ठान्ने गरेको छ र यस्तो कार्य निकै कम हुनेगर्छ ।
सर्वेक्षणमा भाग लिने ५४ प्रतिशतले चीन विश्वशक्ति बन्ने अवस्थामा पुगेको उल्लेख गरेका छन् भने ५३ प्रतिशत अमेरिका तथा चीनसँगको सम्बन्धमा सकारात्मक देखिएका छन् ।
