राजेन्द्र महतोको दल निर्वाचन आयोगमा दर्ता, चुनाव चिह्न ग्यास सिलिण्डर

समाचार सुन्नुहोस : 

काठमाडौँ – पूर्व उपप्रधानमन्त्री राजेन्द्र महतोले नयाँ राजनीतिक दल दर्ता गरेका छन्। उनले स्थापना गरेको राष्ट्रिय मुक्ति पार्टी नेपाल नामक दल मंगलबार निर्वाचन आयोगमा औपचारिक रूपमा दर्ता भएको छ। पछिल्लो पटक राष्ट्रिय मुक्ति क्रान्ति गठन गर्दै महतोले अभियान चलाएका थिए। सोही अभियानलाई राष्ट्रिय मुक्ति पार्टी नेपाल नामको पार्टी दर्ताका लागि उनले आयोगमा निवेदन दिएका थिए।

आयोगले उक्त दललाई ग्यास सिलिण्डर चुनाव चिह्न प्रदान गरेको छ। त्यस्तै, गाढा निलो रंगको आयाताकार झण्डाको मध्य भागमा तीर धनुष रहने गरी झण्डा समेत प्रदान गरिएको छ। निर्वाचन आयोगकी प्रवक्ता निता पोखरेल अर्यालले दल दर्तापछि आयोगमा रहेका दलहरूको कुल संख्या १२२ पुगेको जानकारी दिनुभएको छ।