टोकियो – भारतमा मेटाले डेटा साझेदारीसँग सम्बन्धित नयाँ चुनौतीको सामना गर्न सक्ने अनुमान गरिएकाे छ । एक एन्टिट्रस्ट फैसलाले व्हाट्सएप मेसेजिङ सेवालाई विज्ञापन उद्देश्यका लागि मेटासँग प्रयोगकर्ताको डेटा साझा गर्न प्रतिबन्ध लगाएपछि मेटा भारतमा सेवा रोक्न वा परिवर्तन गर्न बाध्य हुन सक्नेछ । भारतीय प्रतिस्पर्धा आयोग (CCI) ले कम्पनीलाई आफ्नो प्रभुत्वको दुरुपयोग गरेको र व्हाट्सएप प्रयोगकर्ताहरूलाई २०२१ को गोपनीयता नीति स्वीकार गर्न बाध्य पारेको आरोप लगाउँदै यस अभ्यासमा २ करोड ४५ लाख डलर जरिवाना र पाँच वर्षको प्रतिबन्ध लगाएको छ। यसले कथित रूपमा डेटा साझेदारीलाई अनुचित रूपमा बढवा दिएको आरोप लगाएको छ।
सबैभन्दा ठूलो बजार हिस्सा रहेको भारतमा ५० करोडभन्दा बढी व्हाट्सएप प्रयोगकर्ताहरू र ३५ करोड फेसबुक प्रयोगकर्तारहेकाले कम्पनीको सञ्चालनको लागि महत्त्वपूर्ण छ । कम्पनीले अदालतमा दर्ता गरेको फाइलिङमा डेटा साझेदारी प्रतिबन्धले फेसबुक र इन्स्टाग्राममा व्यक्तिगत विज्ञापनहरू प्रदान गर्ने मेटाको क्षमतामा असर पुग्ने दावी गरेको छ । मेटाले यो प्रतिबन्धले ग्राहकहरूसँग सम्पर्क गर्न व्यक्तिगत विज्ञापनहरूमा भर पर्ने फेसन ब्रान्डहरू जस्ता व्यवसायहरूलाई हानि पुर्याउन सक्ने तर्क गरेको छ ।
मेटाले २०२१ का नीतिमा भएका परिवर्तनहरूको सार्वजनिक रूपमा बचाउ गरेको छ । तर CCI को निर्णयको आलोचना गर्दै २,००० पृष्ठको न्यायिक अपील पेश गरेको छ । जसमा यसले भनेको छ कि नियामक निकायसँग यसको निर्णयका प्रभावहरूको मूल्याङ्कन गर्न आवश्यक प्राविधिक विशेषज्ञता छैन । भारतीय पुनरावेदन न्यायाधिकरणले मेटाको मुद्दाको सुनुवाइ गर्ने तयारी गरेको छ । कानुनी प्रक्रिया अगाडि बढ्दै जाँदा CCI का निर्देशनलाई स्थगित गर्न सक्ने सम्भावना छ।
भारतमा यो चुनौतीले मेटाको विश्वव्यापी संघर्षलाई थप बढावा दिएको छ जसमा EU मा अस्पष्ट गोपनीयता नीति परिवर्तनहरूमा पहिलेका आरोपहरू पनि समावेश छन् । CCI को निर्णयले अब व्हाट्सएपलाई प्रयोगकर्ताहरूलाई मेटासँग डेटा साझेदारीबाट बाहिर जानको लागि विकल्प दिनुपर्ने आवश्यक छ । जसले विश्वव्यापी डेटा अभ्यासहरूमा अधिक पारदर्शिता र प्रयोगकर्ता नियन्त्रणको पक्षमा ठूलो कदमको संकेत गर्दछ । ऐजेन्सीको सहयोग ***
