काठमाडौँ – नेपाल र चीनले विभिन्न नौ विषयमा सहमति र समझदारी पत्रमा हस्ताक्षर गरेका छन्। प्रधानमन्त्री केपी शर्मा ओली र चिनियाँ प्रधानमन्त्री ली छ्याङबीच बुधबार सम्पन्न दुईपक्षीय वार्तापछि यी सहमति भएका हुन्।
नेपाल र चीनका प्रतिनिधिहरूले औपचारिक हस्ताक्षरमार्फत समझदारीलाई औपचारिकता दिएका छन्। परराष्ट्र मन्त्रालयका प्रवक्ता कृष्णप्रसाद ढकालले नेपाल र चीनबीच नौ विषयका सहमति भएको पुष्टि गरेका छन्। यी सहमतिहरूले दुई देशबीचको आपसी सम्बन्ध र सहकार्यलाई थप बलियो बनाउने विश्वास व्यक्त गरिएको छ।
१- टोखा- छहरे सुरुङ मार्गसम्बन्धी पत्र आदानप्रदान
२- नेपाल चीनबीच व्यापार अभिवृद्धिसम्बन्धी समझदारी पत्र
३- नौ तले बसन्तपुर दरबार पुनर्निमार्ण सम्पन्न प्रमाणपत्रको आदानप्रदान
४- नेपालबाट भैंसीको मासु निर्यातसम्बन्धी प्रटोकल
५- विकास योजनासम्बन्धी समझदारी पत्र
६- नगद सहयोगसम्बन्धी पत्र आदानप्रदान
७- आर्थिक तथा प्राविधिक सहयोगसम्बन्धी समझदारी
८ – स्वयंसेवी चिनियाँ भाषा शिक्षकसम्बन्धी प्रवर्द्धनसम्बन्धी समझदारी पत्र
९- नेपाल टेलिभिजन र चिनियाँ मिडिया ग्रुपबीच संचार प्रविधिसम्बन्धी समझदारी पत्र
प्रधानमन्त्री केपी शर्मा ओली चिनियाँ समकक्षी ली छ्याङको निमन्त्रणामा सोमबार हिमालयन एयरलाइन्सको जहाजबाट बेइजिङ प्रस्थान गरेका थिए। भ्रमणको क्रममा मंगलबार ली छ्याङले प्रधानमन्त्री ओलीलाई औपचारिक स्वागत गरेका थिए। स्वागत समारोहपछि दुई देशका शीर्ष नेताबीच द्विपक्षीय वार्ता सम्पन्न भएको थियो। त्यसपछि विभिन्न सहमति पत्रमा हस्ताक्षर गरिएको थियो। प्रधानमन्त्री ओलीले आज चिनियाँ राष्ट्रपति सी जिङपिङसँग विशेष भेटवार्ता गर्ने कार्यक्रम रहेको छ।
