अमेरिकी सहायक विदेशमन्त्री लु नेपाल आउँदै

समाचार सुन्नुहोस : 

काठमाडौँ – अमेरिकाका सहायक विदेशमन्त्री डोनाल्ड लु यसै साता नेपालको औपचारिक भ्रमणमा आउने भएका छन्। अमेरिकी विदेश मन्त्रालयका अनुसार आजबाट सुरु हुने दक्षिण एसियाली भ्रमणका क्रममा लुले पहिले श्रीलंका, त्यसपछि भारत, र अन्त्यमा नेपाल भ्रमण गर्नेछन्।

नेपाल भ्रमणका क्रममा सहायक विदेशमन्त्री लुले उच्चस्तरीय नेतृत्वसँग वातावरण संरक्षण, महिला सशक्तीकरण, र दिगो विकासबारे छलफल गर्नेछन्। साथै, नेपाल–अमेरिका सम्बन्धका विभिन्न पक्षमा युवा नेताहरूसँग अन्तक्र्रिया गर्ने कार्यक्रम रहेको छ।

नेपालका सांस्कृतिक सम्पदाको संरक्षण र पर्यटन तथा अर्थतन्त्रसँग सम्बन्धित अन्य विषयमा पनि उनले विशेष चासो देखाउने छन्। विदेश मन्त्रालयद्वारा जारी विज्ञप्तिअनुसार लुको दक्षिण एसिया भ्रमणको अन्तिम गन्तव्य नेपाल हुनेछ।