चार देशका राजदूतले लिए राष्ट्रपतिबाट शपथ

काठमाडौं – नव नियुक्त राजदूतहरूले पद तथा गोपनीयताको शपथ लिएका छन् । राष्ट्रपति कार्यालय शीतलनिवासमा आयोजित एक समारोहका बीच आइतबार राष्ट्रपति रामचन्द्र पौडेलले उनीहरूलाई पद तथा गोपनीयताको शपथ गराएका हुन् ।

शपथ लिनेहरूमा लोकदर्शन रेग्मी -अमेरिका, डा. शैल रूपाखेती -जर्मनी, डा. नरेशविक्रम ढकाल -साउदी अरेबिया र चित्रलेखा यादव -अष्ट्रेलिया हरेका राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् ।

शपथ ग्रहण समारोहमा परराष्ट्रमन्त्री डा. आरजु राणा देउवालगायत नेपाल सरकारका उच्च पदस्थ अधिकारीहरूको उपस्थिति रहेको थियो ।