समाचार सुन्नुहोस :
काठमाडौँ – ट्रेकिङ एजेन्सिज एसोसिएसन अफ नेपाल (टान) को अध्यक्ष पदमा सागर पाण्डे निर्वाचित भएका छन्। प्रत्यासी राजेन्द्र सापकोटालाई १०० मतान्तरले पराजित गर्दै पाण्डे विजयी भएका हुन् । पाण्डेले ५८० मत पाउँदा सापकोटाले ४८० मत ल्याए।
महासचिव पदमा पाण्डे समूहका सोनाम ग्यल्जेन शेर्पा विजयी भएका छन्। उनले सापकोटा समूहका राजेन्द्रप्रसाद सुवेदीलाई पराजित गरेका छन्। वरिष्ठ उपाध्यक्ष पदमा कर्मा शेर्पाले चोलेन्द्र कार्कीलाई पराजित गर्दै विजयी बनेका छन्। विष्णुप्रसाद लम्साल प्रथम उपाध्यक्ष र सनम शेर्पा द्वितीय उपाध्यक्षमा निर्वाचित भएका छन्।
सचिव पदमा रिञ्जी जाङबु शेर्पा र कोषाध्यक्ष पदमा गौतमराज वाग्ले विजयी भए भने सहकोषाध्यक्ष पदमा लाक्पा तेम्बा शेर्पा निर्वाचित भएका छन्। यसैगरी, पवित्रा तामाङ, अम्बिर बहादुर गुरुङ, विनोद तामाङ, होमबहादुर विश्वकर्मा,र फुर्पु छिरिङ ल्होमी (भोटे) सदस्य पदमा निर्वाचित भएका छन्। टानमा नयाँ नेतृत्व चयनका लागि सोमबार निर्वाचन सम्पन्न भएको थियो।
