काठमाडौं – पटक-पटकको सहमतिमा नेतृत्व चयन गर्ने कोसिस असफल भएपछि नेकपा एकीकृत समाजवादीले चुनावको माध्यमबाट नेता चयन गरेको छ । मंगलबार भएको पदाधिकारी चुन्ने चुनावको मत परिणाम सार्वजनिक भएको हो ।
अन्तिम मत परिणामअनुसार एकीकृत समाजवादीको खुल्ला उपाध्यक्षमा डा. गंगालाल तुलाधर, जगन्नाथ खतिवडा, भानुभक्त जोशी र प्रकाश ज्वाला विजयी भएका छन् । मधेसी उपाध्यक्षमा धर्मनाथ प्रसाद शाह विजयी भएका छन् भने महिला उपाध्यक्षमा जयन्ती राई विजयी भएकी छन् । उपमहासचिवमा मेटमणि चौधरी, रामकुमार भट्टराई, गरिमा शाह र राजेन्द्र राई विजयी भएका छन् ।
त्यस्तै सचिवमा गणेश बिक, बलदेव चौधरी, श्रीनाथ बराल, साबित्रा भुसाल, शेरबहादुर कुँवर, सोम प्रसाद पाण्डे र चन्द्रबहादुर शाही विजयी भएका छन् । वरिष्ठ उपाध्यक्षमा नेता राजेन्द्रप्रसाद पाण्डे यसअघि नै सर्वसम्मत भएका थिए । गत असार तेस्रो साता भएको महाधिवेशनबाट सर्वसम्मत रुपमा अध्यक्ष, सम्मानित नेता र महासचिव चयन गरेको एकीकृत समाजवादीले निर्वाचनबाट बाँकी पदाधिकारी चयन गरेको हो ।
एकीकृत समाजवादीमा पदाधिकारी संख्या २१ सदस्यीय र केन्द्रीय समिति सदस्य संख्या २९९ सदस्यीय रहने व्यवस्था छ ।
हेर्नुस् को कति मत ल्याएर विजयी भए ?
