हिजो अहिलेसम्मकै उच्च भएको सुनको भाउ आज तोलामा तीन सय रुपैयाँले घट्यो

समाचार सुन्नुहोस : 

काठमाडौँ – सुनको भाउ आज घटेको छ । हिजो भाउ बढेर अहिलेसम्मकै उच्च भएको सुनको भाउ आज तोलामा तीन सय रुपैयाँले घटेको हो ।

एकै दिन हिजो तोलाको दुई हजार एक सय रुपैयाँले बढेर अहिलेसम्मकै उच्च एक लाख ५० हजार ८ सय रुपैयाँ पुगेको सुनको भाउ आज घटेर तोलाको एक लाख ५० हजार पाँच सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

यसैगरी, आज चाँदीको मूल्य पनि घटेको छ। हिजो चाँदीको भाउ तोलामा २५ रुपैयाँले वृद्धि भई एक हजार सात सय ४० रुपैयाँ पुगेको थियो, तर आज भने पाँच रुपैयाँले घटेर, चाँदीको भाउ तोलाको एक हजार सात सय ३५ रुपैयाँमा पुगेको छ।