समाचार सुन्नुहोस :
काठमाडौँ – फ्रान्समा आइतबार दोस्रो चरणको निर्वाचन सम्पन्न भएको छ। यस निर्वाचनले संसद्मा अति दक्षिणपन्थी शक्तिलाई स्थापित गर्ने अपेक्षा गरिएको छ।राष्ट्रपति इमानुएल म्याक्रोँले युरोपेली संसद्को गत जुनमा भएको पराजयपछि मध्यावधि निर्वाचनको घोषणा गरेका थिए।
अति दक्षिणपन्थी नेतृ मारिन ले पेनको नेशनल र्याली (आरएन) पार्टी पहिलो चरणमा शीर्ष स्थानमा थियो र आइतबारको प्रतिस्पर्धामा पनि यो उपलब्धि दोहोर्याउने क्रममा छ । ओलम्पिक अघि आरएनका नेता जोर्डन बर्डेलालाई प्रधानमन्त्री बनाउन म्याक्रोँलाई बाध्य पार्न सक्ने तर पूर्ण बहुमत नहुने सम्भावना छ।
गत हप्ता आरएनलाई पूर्ण बहुमत प्राप्त हुनबाट रोक्ने प्रयासका लागि केन्द्र र वामपन्थी उम्मेदवारहरूबीच २०० भन्दा बढी रणनीतिक मतदान सम्झौताहरू भएका थिए । सन् २००२ को राष्ट्रपतीय चुनावमा ज्याँ मेरीले ज्याक शिराकको सामना गर्दा पहिलो पटक आह्वान गरिएको ‘रिपब्लिकन फ्रन्ट’ को पुनरागमन भएको छ। सर्वेक्षणहरूले ५७७ सदस्यीय राष्ट्रिय सभामा आरएनलाई पूर्ण बहुमत प्राप्त नहुने अनुमान गरेका छन्।
