समाचार सुन्नुहोस :
काठमाडौँ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टी केन्द्रीय सदस्य पदम राईप्रति श्रद्धाञ्जली अर्पण गरेका छन्। आइतबार पेरिसडाँडास्थित पार्टी केन्द्रीय कार्यालयमा आयोजित कार्यक्रममा अध्यक्ष दाहालले स्वर्गीय राईको पार्थिव शरीरमा पार्टीको झन्डा ओढाएर सम्मान व्यक्त गरेका हुन्।
स्वर्गीय राईप्रति श्रद्धाञ्जली व्यक्त गर्न पूर्वसभामुख अग्नि सापकोटा सहित अरु माओवादी केन्द्रका नेता, कार्यकर्ता तथा सर्वसाधारणको उपस्थिति रहेको थियो। पेरिसडाँडामा आयोजित श्रद्धाञ्जली सभामा स्वर्गीय राईको योगदानलाई सम्झँदै उनको योगदानको सम्मान गरिएको थियो।
