समाचार सुन्नुहोस् :
काठमाडौँ – राष्ट्रिय स्वतन्त्र पार्टीका तर्फबाट तनहुँ क्षेत्र नं १ का उम्मेदवार डा. स्वर्णिम वाग्लेका बुवाको गाडीमा तोडफोड भएको छ । स्वर्णिमका बुवा जीवन वाग्ले चढ्ने गाडीमा बिहीवार राति अज्ञात समूहले तोडफोड गरेको हो ।
तनहुँ सदरमुकाम दमौली बजारस्थित सन्तोष होटलअगाडि पार्किङमा राखिएको बा ११ च ४२५० नम्बरको गाडीमा ढुंगा हानिएको छ । अज्ञात समूहको आक्रमणबाट कारको पछाडिको बायाँ तर्फको ढोकाको शिशा फुटेको छ । घटना सम्बन्धमा प्रहरीले छानबिन गरिरहेको छ ।
