समाचार सुन्नुहोस् :
काठमाडौँ – अष्ट्रेलियाको सिड्नीमा एक जना नेपाली सेफमाथी छुरा प्रहार भएको छ । सिड्नीको कोग्रामा रहेको एक नेपाली रेस्टुरेन्टको फ्याक्ट्रिमा बाहिर भ्यानमा सामान राखिरहेको बेलामा उनिमाथी छुरा प्रहार भएको हो ।
ति व्यक्तिले सिधै आएर आफुलाई चक्कु हानेको र आफुले हातमा लगाएको सुनको ब्रास्लेट लुट्न खोजेको बताए । तर आफूले अवरोध गरेपछि नसकेको घाईतेले बताउनुभएको छ । अप्रिल १० तारेखको दिन साँढे ११ बजेतिर यो घटना घटेको प्रहरीले जनाएको छ । सेन्ट जर्ज अस्पतालमा उपचारपछि घाईते घर फर्किसकेका छन् ।
शरिरमा क्षती पुर्याउने उद्देश्यसहित आक्रमण गरिएको अभियोगमा एक व्यक्तिलाई पक्राउ गरेर कानुनी कारबाही अघि बढाएको छ । न्यु साउथ वेल्स प्रहरीले घटनाबारे थप अनुसन्धान भैरहेको जानकारि दिएको छ ।
