काठमाडौं – सिन्धुलीमा भएको बस दुर्घटनामा थप एक जनाको मृत्यु भएको छ। योसँगै दुर्घटनामा मृत्यु हुनेको सङ्ख्या ६ पुगेको छ। मृत्यु हुनेमा तीन पुरुष, दुई महिला र एक बालिका रहेका छन्। उनीहरुको घट्नास्थलमै मृत्यु भएको जिल्ला प्रहरी कार्यालयका प्रहरी नायब उपरीक्षक चिरञ्जीवी दाहालले जानकारी दिए। मृतकहरुको पहिचान खुल्न सकेको छैन।
मध्यपहाडि लोकमार्गअन्तर्गत सिन्धुलीको फिक्कल गाउँपालिका–४ कुइभिरमा आज बस दुर्घटना हुँदा २९ जना घाइते भएका छन्। ओखलढुङगाबाट काठमाडौँतर्फ जाँदै गरेको बा२ख ६५९६ नम्बरको बस दुर्घटना भएको हो।
घटनास्थलबाट घाइतेको उद्धार गरि उपचारका लागि गोलञ्जोर गाउँपालिका–७ खुर्कोटस्थित सामुदायिक अस्पताल लगिएको छ। बस चालकको अवस्था सामान्य रहेको छ। उनको घुर्मीमा उपचार भइरहेको छ। बस अनियन्त्रित भइ भित्तामा ठोक्किँएर दुर्घटना भएको प्रहरीले जनाएको छ।
