काठमाडौं – आईसीसी विश्वकप क्रिकेट लिग-२ अन्तर्गत घरेलु मैदानमा जारी त्रिदेशीय शृंखलामा नेपालले नामिबियामाथि शानदार जित निकालेको छ । २७५ रनको लक्ष्य पछ्याएको नेपालले नामिबियालाई तीन विकेटले पराजित गरेको हो ।
नेपालको जितमा ओपनर आसिफ शेख, पूर्वकप्तान ज्ञानेन्द्र मल्ल र कुशल मल्लको ब्याटिङको मुख्य भूमिका रह्यो । शेखले ९८ बलमा आठ चौका र दुई छक्काको मद्दतमा ८१ रन बनाए । यस्तै, मल्लले ७४ बलमा तीन छक्का र पाँच चौकाको मद्दतमा ६५ रन बनाए ।
यस्तै, कुशलले ४९ बलमा ६ चौका र चार छक्काको मद्दतमा ६२ रन बनाए । कप्तान रोहित पौडेलले ४३ बलमा पाँच चौकाको मद्दतमा ३९ रन बनाए । त्यसअघि, टस हारेर पहिले ब्याटिङमा उत्रिएको नामिबियाले ६ विकेट गुमाएर २७४ रनको योगफल खडा गरेको थियो ।
याेसँगै आईसीसी विश्वकप क्रिकेट लिग टू अन्तर्गतको त्रिकोणात्मक सिरिजमा नेपालले नामिबियामाथि लगातार दोस्रो जित हासिल गरेकाे छ । सिरिजको पहिलो खेलमा नेपालले नामिबियालाई २ विकेटले हराएको थियो । दोस्रो खेलमा नेपालले स्कटल्याण्डलाई ३ विकेटले हराएको थियो ।
