विश्वकप सेमिफाइनलमा आज अर्जेन्टिना र क्रोसिया भिड्दै

काठमाडौँ – विश्वकप फुटबल अन्तर्गत पहिलो सेमिफाइनल खेलमा अर्जेन्टिनाले क्रोसियाको सामना गर्दै छ । यो खेल नेपाली समय अनुसार आज राति १२: ४५ बजे कतारस्थित लुसैल स्टेडियममा हुदै छ ।

क्रोसिया र अर्जेन्टिनाबीच अहिलेसम्म कुल ५ खेल भएका छन् । जसमा दुवै देशले २-२ खेल जितेका छन् भने एक खेल बराबरी भएको छ ।

दुवैबीच पछिल्लो पटक २०१८ को विश्वकपमा खेल भएको थियो । समुह चरणको सो खेल क्रोसियाले ३-० गोल अन्तरले जितेको थियो । यस खेललाई अर्जेन्टिनाका लियोनेल मेसी र क्रोसियाका लुका मोड्रीचबीचको भिडन्तको रुपमा पनि हेरिएको छ ।