मुम्बई – यतिबेला बलिउडमा रणवीर कपूर र आलिया भट्टको विवाहको व्यापक चर्चा छ । उनीहरूको विवाह समारोह भेन्यूदेखि समारोहमा हुने मेनूसम्ममा चासो छ ।
रणवीर र आलियाको विवाह समारोहमा कुनै पनि फोटो र भिडियो लिक हुन नदिने तयारीपछि हालै उनीहरूको समारोहमा उपस्थित हुने पाहुनाको संख्यालाई लिएर चर्चा चलिरहेको छ ।
रिर्पोटकाअनुसार विवाहमा रणधीर कपूर र मुकेश भट्टलाई कुनै निम्तो पठाइएको छैन । मुकेश आलियाका काका हुन् भने रणधीर रणवीरका काका हुन् ।
भारतीय मिडियाकाअनुसार उनीहरूलाई अहिलेसम्म विवाहको निम्तोको कार्ड पठाएको छैन । वास्तवमा दाजुभाइ महेश भट्ट र मुकेश भट्टको सम्बन्ध केही चिसिएको छ ।
यतिमात्रै होइन आलिया र रणवीरको विवाहमा उपस्थित हुने पाहुनाको संख्या पनि चर्चाको विषय छ । उनीहरूको विवाहमा एकदमै सीमित पाहुनाहरू मात्रै उपस्थित हुने बताइएको छ । रिर्पोटकाअनुसार उनीहरूलाई वैवाहिक जीवनको शुभकामना दिन २८ जना पाहुनाहरू मात्रै उपस्थित हुने छन् ।
यी जम्मा पाहुनाहरूमध्ये पनि धेरै पाहुनाहरू बेहुला पट्टिको रहेको बताइएको छ । आलियाको तर्फबाट उपस्थित हुने पाहुनाहरू पनि उनकी आमा सोनी राजदानको परिवारपट्टिका हुने बताइएको छ ।
आलिया र रणवीरको विवाह समारोह १४ अप्रिलदेखि १७ अप्रिलसम्म हुने छ ।
