आहा रारा गोल्डकप : फाइनलका लागि पुलिस र अफ्रिकन रुट भिड्दै

काठमाण्डाै – पोखरामा जारी १९औं आहा रारा गोल्डकप फुटबलको उपाधि भिडन्त आज हुँदै छ । उपाधिका लागि संकटा क्लब र क्यामरुनको अफ्रिकन रुट्स एसोसिएसन एआरएस आमनेसामने हुँदै छन् ।

खेल दिउँसो ३ बजेपछि पोखरा रङ्गशालामा सुरु हुनेछ । यससँगै प्रतियोगिताले एउटा नयाँ विजेता पाउनेछ । दुवै टोली पहिलोपटक फाइनलमा पुगेका हुन् ।

संकटाले विभागीय टोली एपिएफ क्लबलाई २-० ले हराउँदै फाइनलको यात्रा तय गरेको थियो भने एआरएसले पनि नेपाल पुलिसलाई २-० ले हराउँदै संकटासँग उपाधि भिडन्त पक्का गरेको थियो ।

प्रतियोगिताको उपाधि विजेताले नगद १० लाख र ट्रफी प्राप्त गर्नेछ । प्रतियोगितामा आयोजक सहारा र विदेशी अफ्रिकन रुट एसोसियनको टोलीसहित ८ टोलीको सहभागिता रहेको थियो ।