पौने दुई लाखलाई एनआरएनएको राहत

काठमाडौं – गैरआवासीय नेपाली संघ (एनआरएनए) ले सन् २०१९ को डिसेम्बरबाट विश्वभर फैलिरहेको कोभिड-१९को महामारीपछि भएका उद्धार र राहतको विवरण सार्वजनिक गरेको छ ।

संघले ५० देशका कम्तीमा पनि ३ सय भन्दा बढी शहर र राज्यहरुमा रहेका करीब १ लाख ७० हजार भन्दा बढी नेपालीहरुलाई राहत दिएको जनाएको छ ।

संघका अध्यक्ष कुमार पन्तले संघले नेपाल सरकारसँग मिलेर महामारीको बेला संघले खाना तथा बासको व्यवस्था, हवाई टिकट लगायतका सहयोग गरेको बताए ।