चेल्सीको घरेलु मैदानमा लज्जास्पद हार

काठमाडौँ – इङलिश प्रिमियर लिग अन्तर्गत चेल्सीले घरेलु मैदानमा लज्जास्पद हार बेहोरेको छ ।

शनिबार चेल्सीको घरेलु मैदानमा सम्पन्न खेलमा वेस्ट बोर्मविचले ५-२ गोल अन्तरले पराजित गरेको हो ।

वेस्ट ब्रोमविचको जितमा म्याथ्युज परेरा र कलुम रोबिन्सनले २-२ गोल गरे भने एम्बाए डिआग्नेले एक गोल गरे । त्यस्तै चेल्सीका लागि क्रिस्टियन पुलासिक र मासन माउन्टले एक एक गोल गरेका थिए ।

खेलमा खेलको २९औ मिनेटमा थियागो सिल्भाले दोहोरो पहेलो कार्ड पाएर मैदान छोडेपछि चेल्सी १० खेलाडीमा सिमित भएको थियो ।

यो हारपछि चेल्सीको ३० खेलमा ५१ अंक रहेको छ र लिगमा चौथो स्थानमा रहेको छ ।

त्यस्तै वेस्ट ब्रोमविचको भने ३० खेलमा २१ अंक रहेको छ र लिगमा १९औ स्थानमा रहेको छ ।