बंगलादेशविरुद्ध नेपालले लियो अग्रता

काठमाडौं – त्रिदेशीय फुटबल प्रतियोगिता अन्तर्गत अहिले फाइनलमा नेपाल र बंगलादेश भिडिरहेका छन् । त्रिपुरेश्वरस्थित दशरथ रंगशालामा खेल भइरहेको छ ।

नेपालले बंगलादेशविरुद्ध अग्रता कायम गरेको छ । नेपालका लागि १८औँ मिनेटमा संजोग राईले गोल गरेका हुन् ।

सुनिल बलले कर्नर किकमार्फत उपलब्ध गराएको बलमा राईले गोल गरेका हुन् । समूह चरणमा नेपालले बंगलादेशसँग गोलरहित बराबरी खेलेको थियो ।