टोकियो – कर्णाली समाज जापानले मानवसेवा आश्रम कर्णाली प्रदेश सुर्खेत शाखालाई सहयोग पठाएको छ । कर्णालीका १० जिल्लामा रहेका विपन्न तथा वेवारिसेलाई उद्धार तथा रेखदेख गर्दै आएको मानवसेवा आश्रम १ लाख ११ हजार १ सय रुपैँया पठाइएको हो ।
मानवसेवा आश्रमले वेवारिसेलाई उद्धार, रेखदेख, पालनपोषण, औषधीउपचार तथा पुनर्मिलन गराउँदै आएको छ । बुधबार टोकियोको सिनओकुबोमा एक कार्यक्रमकाबीच कर्णाली प्रदेश समाज जापानका अध्यक्ष कृष्ण शाहीले फोरेक्स रेमिट जापानका प्रतिनिधि बाबुराम पौडेललाई सहयोग नेपाली १ लाख ११ हजार १ सय हस्तान्तरण गरेका हुन् ।
कार्यक्रममा अध्यक्ष शाहीले आर्थिक सहयोग गरेर साथ समाजका सल्लाहकारलगायत सम्पूर्ण सदस्य तथा शुभचिन्तकलाई धन्यवाद ज्ञापन गरेका थिए । स्थापनाको छोटो समयमै कर्णाली प्रदेश समाज जापान सामाजिक कार्य गर्दै आएको छ । यसअघि पनि जापानमा अलपत्र परेका कर्णालीका विद्यार्थीहरुलाई आर्थिक तथा अन्य सहयोग गरेको थियो ।
