टोकियो – जापानको संसदले महामारीको तत्कालीन प्रभाव कम गर्न गत हप्ता तल्लो सदनमा पेश गरिएको तेस्रो पूरक बजेट पारित गरेको छ ।
मार्चमा अन्त्य हुने चालू आर्थिक वर्षको लागि पेश गरिएको पूरक बजेट मंगलबार जापानको प्रतिनिधि सभाबाट अनुमोदित भइ आज संसदबाट पारित भएको हो ।
तेस्रो पूरक बजेट अन्तर्गत १५४ खर्ब ३० अर्ब येन विनियोजित भएको छ । यो संगै कोरोना रोकथामका लागि बजेट कुल १९१ खर्ब ८० अर्ब हुनेछ । विपक्षीले भने चिकित्सा सम्बन्धी गैर-जरुरी परियोजनाहरूको लागि उक्त बजेट पर्याप्त नभएको आलोचना गरेका छन् ।
बजेटमा कोरोनाभाइरस संक्रमणको तेस्रो छाललाई रोक्नको लागि तुरुन्त कदम चाल्ने योजना बनाइरहेको छ । कुल बजेट मध्ये ४३ खर्ब ६० अर्ब सरकारको अनुरोधमा सेवा अवधि कटौती गरेका रेस्टुरेन्टहरू र बारका साथै कोरोनाका बिरामीको लागि थप बेड सुरक्षित गर्ने मेडिकल संस्थानहरूलाई अनुदानको व्यवस्थाका लागि खर्च गरिने छ ।
सरकारले पर्यटन क्षेत्रलाई सहयोग पुर्याउन जुन महिना सम्म विस्तार गरेको विवादास्पद “गो टु ट्राभल” कार्यक्रमको लागि १० खर्ब ३० अर्ब छुट्याउने भएको छ । गत वर्ष जुलाईमा सुरु गरिएको यो अभियान, अहिले डिसेम्बरको अन्त्य देखि देशव्यापी रूपमा निलम्बन गरिएको छ । तर सत्तारूढ दलहरूले उचित समयमा पुन: स्थापनाका गर्न “गो टु ट्राभल” को निम्ति कोष आवश्यक भएको अडान लिएका छन् ।
मंगलबार डाएट सत्रमा प्रधानमन्त्रीले दोस्रो आपतकाल जारी भए पनि जापानबासीलाई नगद वितरण गर्ने उनको कुनै योजना नरहेको बताएका छन् । गत वर्ष, सरकारले अप्रिलमा घोषित गरेको आपतकाल पछि देशका प्रत्येक बासिन्दाहरूलाई एक लाख येन वितरण गरेको थियो ।
