एकैदिन थपिए १९४६ कोरोना संक्रमित, थप १३ जनाले गुमाए ज्यान

काठमाडौं – नेपालमा विगत २४ घण्टामा थप १,९४६ जनामा कोरोनाभाइरस सङ्क्रमण पुष्टि र १३ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ ।

सो अवधिमा देशभरि ८,७५३ जनाको परीक्षण गर्दा त्यति सङ्ख्यामा सङ्क्रमित फेला परेका हुन् । काठमाडौं उपत्यकामा सर्वाधिक परीक्षण गरिने र सङ्क्रमित फेला पर्ने क्रम जारी छ । यो वृद्धिसँगै नेपालमा पुष्टि भएका सङ्क्रमितको कुल सङ्ख्या दुई लाख आठ हजार नाघेको छ ।

अहिले पुष्टि भएका ३६,४५२ जना सक्रिय सङ्क्रमित छन् । सरकारको तथ्याङ्कअनुसार शनिवारसम्म नेपालमा १,२१५ जनाको कोभिड-१९ सँग सम्बन्धित कारणले मृत्यु भएको छ । मन्त्रालयले अपराह्ण प्रकाशित गरेको विवरणमा २४ घण्टाको अवधिमा थप २,५०३ जना सङ्क्रमणमुक्त भएका छन् । अहिलेसम्म कुल १७०,६३२ जना निको भएको सरकारी तथ्याङ्क छ ।