काठमाडौं – विश्वभर थप ५ लाख बढीमा कोरोना भाइरस (कोभिड १९)को संक्रमण पुष्टि भएको छ ।
वर्ल्ड मिटरको अध्यावधिक विवरणअनुसार थप ५ लाख १ हजार ६ सय १ जनामा संक्रमण पुष्टि भएसँगै विश्वभर कोरोना संक्रमितको संख्या ४ करोड ४७ लाख ३८ हजार नाघेको छ ।
कोरोना संक्रमणबाट थप ७ हजार ९१ जनाको मृत्यु भएको छ । कोरोना संक्रमणबाट विश्वभर मृत्यु हुनेको संख्या ११ लाख ७८ हजार ५ सय १४ पुगेको वर्ल्ड मिटरले जनाएको छ ।
विश्वभर कोरोना संक्रमण देखिएका मध्ये ३ करोड २७ लाख बढी संक्रमण मुक्त भइसकेका छन् भने अझै १ करोड ८५ लाख ५९ हजार सक्रिय संक्रमित छन् ।
कोरोना भाइरसबाट सबैभन्दा बढी प्रभावित अमेरिकामा थप ८ हजार संक्रमित थपिएका छन् । यससंगै अमेरिकामा संक्रमितको संख्या ९१ लाख १८ हजार नाघेको छ । कोरोना संक्रमणबाट अमेरिकामा थप १ हजार जनाको मृत्यु भएको छ भने अमेरिकाभर मृत्यु हुनेको संख्या २ लाख ३३ हजार नाघेको छ ।
कोरोनाबाट सबैभन्दा बढी प्रभावित मुलुकमध्ये दोस्रो नम्बरमा रहेको भारतमा पछिल्लो २४ घण्टामा ४९ हजार ९ सय बढी संक्रमित थपिएका छन् । भारतमा कूल संक्रमितको संख्या ८० लाख ३८ हजार नाघेको छ ।
भारतमा पछिल्लो २४ घण्टामा थप ५ सय ९ जनाको मृत्यु भएको छ भने हालसम्म कोरोना संक्रमणबाट मृत्यु हुनेको संख्या १ लाख २० हजार ५ सय नाघेको छ ।
भारतपछि ब्राजिलमा सबैभन्दा धेरै कोरोना संक्रमितको संख्या ५४ लाख ६९ हजार पुगेको छ । ब्राजिलमा कोरोनाबाट मृत्यु हुनेको संख्या १ लाख ५८ हजार ४ सय नाघेको छ ।
यस्तै, रसियामा कोरोना संक्रमितको संख्या १५ लाख ६३ हजार नाघेको छ भने मृत्यु हुनेको संख्या २६ हजार ९ सय नाघेको छ ।
फ्रान्समा कोरोना संक्रमितको संख्या १२ लाख ३५ हजार नाघेको छ भने मृत्यु हुनेको संख्या ३५ हजार ७ सय नाघेको छ ।
कोरोना भाइरसबाट प्रभावित मुलुकमध्ये नेपाल ३४ औं नम्बरमा छ । नेपालमा हालसम्म १ लाख ६२ हजार ३ सय ५४ जनामा कोरोना संक्रमण पुष्टि भएको छ । कोरोना संक्रमणबाट नेपालमा ८ सय ८७ जनाको मृत्यु भएको छ भने १ लाख २१ हजार ८ सय २४ जना संक्रमण मुक्त भएका छन् । नेपालमा हाल कोरोना भाइरसका ३९ हजार ६ सय ४३ जना सक्रिय संक्रमित छन् । @
