नेपालमा एकैदिन २२८७ कोरोना संक्रमित निको भएर घर फर्किए

काठमाडौं । नेपालमा पछिल्लो २४ घण्टामा आजसम्मकै सबभन्दा धेरै कोरोना संक्रमित निको भएर घर फर्किएका छन् । मन्त्रालयका अनुसार २४ घण्टामा मात्रै २२८७ जना निको भएर घर फर्किएका हुन् ।

यससँगै ३२९६४ जना निको भएर घर फर्किसकेका छन् । मन्त्रालयका अनुसार पछिल्लो २४ घण्टामा गरिएको १०६११ वटा पीसीआर नमूना परीक्षणमध्ये ९०२ जनामा संक्रमित देखिएका छन् । हाल आइसोलेसनमा १४८६१ जना छन् भने क्वारेन्टिनमा ५३१० जना रहेका छन् ।