‘उही खोलीमा पानी’का सर्जक केशबको ‘पुतली’ सार्वजनिक

टोकियो – उही खोलीमा पानी बोलको चर्चित गीतका सर्जक केशब पौडेलको शब्द सिर्जनामा नेपाली लोक दोहोरी गीत पुतली सार्वजनिक भएको छ । गीतमा माया पिरतीकै परिवेश समेटिएको छ ।

बिक्रम परियार र देवी घर्तीको स्वरमा रहेको गीतलाई शिब हमालले संगीतबद्ध गरेका हुन् । देबेन्द्र कुँवरको निर्देशनमा नरेश ऐरले छायाँकन गरेको भिडियोमा दुर्गेश थापा र रविना भण्डारीको अभिनय देख्न सकिन्छ ।

भिडियोलाई एसथ्रिके इन्टरटेन्मेण्टले बजारमा ल्याएको हो ।

जापानलाई कर्मथलो बनाएर निरन्तर सांगीतिक क्षेत्रमा सक्रिय पौडेलको ‘गुन्द्रुक मिठो सागको’ पनि आम दर्शक–श्रोता माझ लोकप्रिय बनेको थियो ।

हेर्नुहोस् भिडियो: