भारतबाट आएका थिए रौतहटका दुई कोरोना संक्रमित

काठमाडौं – रौतहटमा मंगलबार भेटिएका २ कोरोना संक्रमित भारतबाट आएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयले आयोजना गरेको मिडिया ब्रिफिङका क्रममा प्रवक्ता डा विकास देवकोटाले यस्तो जानकारी दिएका हुन् । उनीहरुको उमेर २४ र ३५ वर्ष छ। दुवैजना पुरुष भएको समेत डा देवकोटाले जानकारी दिए ।

यो सहित नेपालमा संक्रमितको संख्या ५४ पुगेको छ । जसमध्ये १६ जना निको भएका छन् ।