काठमाडौँ – नेपाली कांग्रेसका नेता तथा पूर्वउपसभापति प्रकाशमान सिंहले निर शाह लगायतका कालाकार कांग्रेसमा प्रवेश गरेको जनाएका छन्।
सामाजिक सञ्जाल फेसबुकमा स्टाटस लेख्दै उनले नीर शाह, धिरेन शाक्य, झरना थापा, जीवन लुइँटेल, शंकर बिसी ,पार्वती राई लगायतका कलाकार कांग्रेसमा प्रवेश गरेको जनाएका छन्। उनीहरु कहिले र कहाँ प्रवेश गरेका हुन भन्नेबारे उनले केही खुलाएका छैनन्।
यसअधि तत्काले नेकपा माओवादी केन्द्रमा प्रवेश गरेका शाह पटक पटक कांग्रेस प्रवेश गर्ने चर्चा चले पनि उनी प्रवेश भने गरेका थिएनन्।
नेता सिंहले नवप्रवेशी कलाकाहरुलाई बधाई दिँदै पार्टीमा स्वागत समेत गरेका छन्। कलाकारको प्रवेशले कांग्रेसलाई थप सशक्त बनाउन सहयोग पुग्ने विश्वास समेत उनले व्यक्त गरेका छन्।
‘नेपाली फिल्म उद्योगका बहुचर्चित कलाकार नीर शाह, धिरेन शाक्य, झरना थापा, जीवन लुइँटेल, शंकर बिसी, पार्बती राईलगायत १५० जना कांग्रेसमा प्रवेश गर्नु भएकोमा हार्दिक बधाईका साथ स्वाग गर्न चाहन्छु’, उनले फेसबुकमा लेखेका छन्, ‘यसले नेपाली कांग्रेसलाई थप टेवा पुग्ने पक्का छ साथै सबै जना नवआगन्तुक साथीहरुलाई हार्दिक बधाई तथा धेरै धेरै शुभकामना व्यक्त गर्न चाहन्छु।’
