टोकियो – आज टोकियोमा दोस्रो मिस जापान नेपाल प्रतियोगिताको ग्राण्ड फिनाले हुन गईहेको छ । उक्त कार्यक्रमका लागि आमन्त्रित मिस नेपाल २०१८ का बिजेता श्रृंखला खतिवडासहितका कलाकाहरु सबै जापान आईपुगेका छन् ।
जापानमा रहेका नेपाली किशोरीहरुको बौद्धिकता, क्षमता र सुन्दरता प्रस्फुटनको अवसर प्रदान गर्ने उदेश्यले मिस जापान नेपालको आयोजना गरिएको आयोजकले बताएका छन् । ।
प्रतियोगितामा सहभागीलाई तालिमसहित निर्णायकको भूमिकामा मिस नेपाल आयोजक संस्था हिडेन ट्रेजरले सहयोग गर्ने आयोजक संस्थाका अध्यक्ष उत्तम श्रेष्ठले जानकारी दिनुभयो । उहाँका अनुसार ‘मिस जापान-नेपाल’को फिनालेमा निर्णायकको रुपमा मिस नेपालसहित हिडेन ट्रेजरका निर्देशकको समेत सहभागीता रहनेछ । ग्राण्ड फिनालेमा निर्णायकको रुपमा मिस नेपाल २०१८ का बिजेता खतिवडा सहित दि हिडेन ट्रेजरका गोपाल सुन्दरलाल कक्षपती र कोरियाग्राफरमा प्रियारानी लामा रहने भएका छन् ।
।
‘मिस-जापान नेपाल’ विजेतासहित फस्ट रनर अप र सेकेण्ड रनरअपले नगद पुरस्कार, क्राउन तथा सम्मानपत्र पाउने आयोजकले जनाएको छ । तीन शीर्ष टाईटलसहित यसपटक अन्य १५ विषयका प्रतिभालाई पुरस्कृत गरिने कार्यक्रमका संयोजक रहनुभएका निराजन गैरेले जानकारी दिनुभयो । त्यसैअनुसार १५ टाईटल निर्धारण समेत गरिएको समेत उहाँले बताउनुभयो । फिनाले टोकियो नाकानोस्थित नाकानो जिरो हलमा अपरान्ह ४ बजेदेखि हुने बताईएको छ ।
कार्यक्रममा उपस्थित भई शोभा बढाईदिन जापानवासी नेपालीहरुमा आयोजकले अपिल गरेका छन् । ***
