एसएलसीको परीक्षाफ़ल आज प्रकाशित हुने

काठमाडौं – परीक्षा नियन्त्रण कार्यालय सानोठिमीले यस बर्षको एसएलसीको नतिजा आज बुधबार प्रकाशित गर्ने तयारी गरेको छ । नतिजाको तयारी अन्तिम चरणमा पुगेको पनिका उपनियन्त्रक अम्विकाप्रसाद रेग्मीले जानकारी दिए ।

नतिजा प्रकाशित भएपछि हुन सक्ने सम्भावित घटना रोक्न सुरक्षा निकायलाई निर्देशन दिईएको छ । यसै बिषयमा छलफल गर्न मंगलबार भक्तपुरका प्रमुख जिल्ला अधिकारी जितेन्द्रबहादुर भण्डारी पनिकामा पुगेका थिए ।

यसवर्षको एसएलसी परीक्षामा नियमिततर्फ चार लाख ४५ हजार ९ सय ७४ र एक्जाम्टेड तर्फ ८२ हजार २८३ जना गरि मुलुकभरबाट कूल पाँच लाख २८ हजार २ सय ५७ परीक्षार्थी गरी ५ लाख २८ हजार २ सय ५७ जनाले परीक्षा दिएका छन । ***