काठमाडौं – पहिलो चरणको स्थानीय तहको चुनाव अन्तर्गत तीन वटा महानगरपालिकामा शनिबार छैठौँ दिन पनि मतगणना चलिरहेको छ । चितवनको भरतपुर महानगरपालिकामा भने मतगणना स्थगित भएको छ । शनिबार बिहान सर्वदलीय बैठक बसेर सहमतिको प्रयास हुँदै छ ।
अहिलेसम्म मतगणना भएका ९ वटै वडाका मत पुनः गणना हुनुपर्ने, अहिलेसम्मको मत संख्या विश्वसनीय नभएको भन्दै माओवादी र कांग्रेसका उम्मेदवारले विरोध गरेपछि भरतपुरमा मतगणना स्थगित भएको हो ।
भरतपुरमा मेयरमा कांग्रेस र माओवादीले तालमेल गरेका छन् । दुई दलले प्राविधिक व्यवस्थापन राम्रो गर्नुपर्ने, निर्वाचन अधिकृतको राजीनामा, सबै पुनर्गणन गर्नुपर्ने माग गरेका छन् । मतगणना स्थगित हुनु अघि मेयरकी उम्मेदवार माओवादी केन्द्रकी रेणु दाहाल एमाले उम्मेदवार देवी ज्ञवाली भन्दा पछि हुनुहन्छ ।
भरतपुर महानगरपालिका
माओवादी केन्द्र रेणु दाहाल – १४ हजार ८ सय ९
एमाले देवी ज्ञवाली – १५ हजार १ सय ५५
पोखरा लेखनाथ महानगरपालिकामा
एमाले मानबहादुर जिसी – १९ हजार १ सय ४२
माओवादी केन्द्र कांग्रेस तालमेल रामजी कुँवर – १७ हजार ४ सय ९९
ललिपुर महानगरपालिकाको मेयरमा
कांग्रेसका चिरीबाबु महर्जन – १५ हजार ४१
एमालेका हरिकृष्ण व्यञ्जनकार – १३ हजार २ सय १६
काठमाडौं महानगरपालिकाको मेयरमा
एमालेका विद्यासुन्दर शाक्यले – १३ हजार ५ सय ५३
कांग्रेसका राजुराज जोशीले – ९ हजार ४ सय ४९
