परराष्ट्रमा बार्षिक करोडौं रुपैयाँ अनियमितता, कुन शीर्षकमा हुन्छ बढी अनियमितता ?

काठमाडौं – परराष्ट्र मन्त्रालयमा बार्षिक करोडौं रुपैयाँ अनियमितता हुने गरेको आजको नागरिक दैनिकमा छ । पारिवारिक तथा वैदेशिक भत्ता, औषधि उपचार खर्च लगायत शीर्षकमा परराष्ट्रमा एकै बर्ष करिब २४ करोड रुपैयाँ अनियमितता भएको देखिएको हो ।

महालेखा परिक्षकको कार्यालयले तयार पारेको आर्थिक बर्ष २०७२र०७३ को प्रतिवेदनमा अनियमितता औंल्याइएको छ । उक्त आ.ब.को लेखा परिक्षण गर्दा ४१ करोड ४६ लाख ४७ हजार रुपैयाँ बेरुजु देखाइएको छ ।

बेरुजुमध्ये करिब २४ करोड अनियमितता भएको प्रतिवेदनमा उल्लेख छ ।