काठमाडौँ – आज २०३ औं भानुजयन्ती । आदिकवि भानुभक्त आचार्यको जन्मजयन्ती देशभर विभिन्न कार्यक्रम गरी मनाईंदै छ ।
राष्ट्रिय विभूति आदिकवि आचार्यको जन्म १८७१ साल असार २९ गते तनहुँको चुँदी रम्घामा भएको थियो । असार २९ गतेका दिन मनाईने भानुजयन्तीमा आचार्यको सम्झनामा विभिन्न कार्यक्रमसहित र्यालीको आयोजना पनि गरिन्छ ।
नेपाली भाषा र साहित्यको क्षेत्रमा आदिकवि भानुभक्तको योगदान अतुलनीय रहेको छ । भानुभक्तले रामायणलाई नेपालीमा भावानुवाद पनि गर्नुभएको छ ।
