काठमाडौँ – देशकै प्रमुख प्रशासनिक केन्द्र सिंहदरबारभित्रकै निर्माणमा अनियमितता हुने गरेको खुलासा भएको छ । संसदको सार्वजनिक लेखा समितिको प्रतिवेदनले सिंहदरबारकै निर्माणमा गैरजिम्मेवारिपना र अनियमितता हुने गरेको औँल्याएको हो ।
सांसद विकास लम्सालको संयोजकत्वमा गठन भएको उपसमितिले सिंहदरबारभित्रको सडक, भवन नाली निर्माण तथा मर्मत लगायतका कार्यमा गैरजिम्मेवारीपन र अनियमितता भएको ठहरसहितको प्रतिवेदन बनाएको हो ।
गैरजिम्मेवारीपनामा भएको उल्लेख गरिएको काहाँ कहाँ र कसरी अनियमितता भयो भन्ने स्पष्टसँग उल्लेख नगरिएपनि स्थलगत निरीक्षणका क्रममा सम्झौताअनुसारको काम पूरा नगरिएको, मापदण्डविपरीत कार्य गरेको, सरकारी निकायबीच समन्वय नभएको, काम अलपत्र छोडेकोलगायत अनियमितता उल्लेख भएको आजको राजधानी दैनिकमा खबर छ ।
यो प्रतिवेदनसँगै सिंहदरबारभित्रकै निर्माणमा त उचित रुपमा काम हुँदैन भने दूरदराजको अवस्था के होला भन्ने गम्भिर प्रश्न उठाएको छ ।
