काठमाडौँ – राष्ट्रपतिदेखि प्रधानमन्त्री र मन्त्रीसम्मले दैनिक रुपमा गर्ने खानपानको परीक्षण हुने भएको छ ।
खाद्य प्रविधि तथा गुण नियन्त्रण विभागले दैनिक खानपानको परीक्षण व्यवस्था कार्यान्वयनमा ल्याउन लागेको जानकारी कृषिमन्त्री हरिबोल गजुरेलले शुक्रबार राजधानीमा खाद्य महोत्सव उद्घाटनका अवसरमा दिनुभएको हो । मन्त्री गजुरेलले राम्रो कामको सुरुवात मुलुककै राष्ट्रप्रमुखबाट गर्दा कार्यान्वयन पक्ष बलियो हुने तर्क गर्दै खानपानमा सुधार ल्याउन र स्थानीय पोषिलो खाद्यपदार्थ उपभोगमा प्रोत्साहन गर्न राष्ट्रपति, उपराष्ट्रपति, प्रधानमन्त्री र मन्त्रीहरूको विहान र रातिको खानामा पदार्थ परीक्षण गरिने जानकारी दिएको आजको अन्नपूर्ण पोष्टमा खबर छ ।
‘उहाँहरूको दैनिक प्रयोग गर्दै आउनुभएको खाद्यपदार्थ पोषिलो, स्वास्थ्यवर्दक र सन्तुलित छ वा छैन भनेर परीक्षण गर्ने व्यवस्था ल्याएका छौं,’ उँहाले भन्नुभयो । त्यसपछि दोस्रो चरणमा तल्लो तहमा खो बानीमा सुधार ल्याइने बताए ।
यसका लागि खाद्य विभागले कार्यबिधि तयार पारिरहेको मन्त्री गजुरेलले बताउनुभयो । पोषकयुक्त स्थानीय खाना उपभोग गर्न सकिने अस्पतालमा विरामी भएर जानेको संख्या कम्तीमा ५० प्रतिशत घट्ने उँहाको दाबी छ ।
